Ish-kryeministri i vendit, Isa Mustafa ka bërë disa kritika kundrejt raportueses për Kosovën në Parlamentin Evropian, Viola von Cramon, e cila mbrëmë është pritur në takim nga kryeministri, Albin Kurti.
Mustafa tha se von Cramon ka dhënë kontribut të jashtëzakonshëm për ardhjen e Lëvizjes Vetëvendosje në pushtet, transmeton Arbresh.info.
Me anë të një postimi në Facebook, ish-kreu i LDK-së e cilëson von Cramon si raportuese të VV-së, apo siç thotë ai, raportuese e shtetit, pasi sipas tij, VV synon çdo ditë ta shndërroj Kosovën në diktaturë.
“Po harrojnë ta falënderojnë raportuesen për Kosovën në Parlamentin Evropian, Viola von Cramon, për kontributin e jashtëzakonshëm të saj për ardhjen e VV-së në pushtet. Jashtë çdo norme normale, me subjektivizëm të pashoq, me përzierje flagrante në relacionet e brendshme partiake e demokratike e me anim të hapur, Cramon e mbajti lartë flamurin e Vetëvendosjes, duke atakuar para zgjedhjeve partitë që sot janë në opozitë. Sot nuk e di a është raportuese e VV-së apo e shtetit që VV synon çdo ditë ta shndërrojë në diktaturë?!”, ka shkruar Mustafa./Arbresh.info
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...
10 vjet nga Procesi i Berlinit, diskutohen arritjet, mundësi...